قصة .. لاعبين الصقور ضد لاعبين من مسلسل يوغي اوه)

------------------------------------
قبل المباراة بيجتمع الفريقين بالملعب ... وطبعا اصدقاءنا من مسلسل يوغي او مو مجهزين اي شي ... وهلأ بلشو يتناقشو بالاشياء المهمة.

جوي: مين يكون المدرب؟!!

كايبا: انا برأيي جد يوغي ... لأنو اذا شايفيين كيف مدربهم عجوز .. فأحنا رح نقهرهم ونجيب عجوز اكبر من عجوزهم.

جوي: ادا الشغلة بالعمر .. بنجيب دارتس .. عمره عشر الاف سنة ... وهيك بنغلبهم بالمدرب.

ترستان: بس دارتس الوان عيونو مختلفة .. بيجوز يحوللنا عيوننا وهو بيحكي معنا او بيعطينا التنبيهات.

يوغي: اذن شو رأيكم بيامي .. كبير .. صحيح مو كبير كتير .. يعني بس خمس الاف سنة .. بس بيضل كبير .. ولون عيونه سادة.

يامي: لا يوغي .. انا بالفريق من اعضاءه ... واحتمال اكون الكابتن.

كايبا: الكابتن معروف .. الي هو انا ... لأنو اللي كتبت القصة بتحبني اكثر واحد.

يامي: مش هي بتحب موكوبا اكثر؟!!!

كايبا: موكوبا مو بالفريق .. هو ه للتشجيع.

ترستان: يا جماعة خلونا هلأ نحدد المدرب وبعدين بنحكي تقسيم اللاعبين.

تيا دخلت عالخط معهم: خلوني انا بدل أماني معكم.

كايبا: بالأماني .. قصدي بتحلمي.

ترستان: ياجماعة .. المدرب .. اهم شي المدرب هلأ.

جوي: ايش بتحبو .. الخيارات انحصرت بين جد يوغي .. دارتس الاحول ... يامي.

يامي: انا بعترض .. احذفو خياري .. لأني منن اللاعبين.

جوي: اذن الخيارات بتنحصر بين دارتس وبين جد يوغي.

ترستان: انا بحكي احذفو دارتس .. لأنو كلنا رح نروح على دكتور عيون بعد المباراه.

جوي: اذن الخيارات بتنحصر بين جد يوغي .. و ... و .. و.... و .. وبس.

كايبا: انا رأيي جد يوغي من الخيارات اللي ضلت.

يامي: وانا كمان هيك بقترح.

ترستان: وانا كمان بختار جد يوغي من الاسماء اللي ضلو.

موكوبا راح عند اخوه.

موكوبا: شو سيتو .. متى رح تبدأ المبارزة؟؟ قصدي المباراة.

كايبا: لسا موكوبا ... بس نحدد الامور الاساسية .. يعني هلأ حددنا بس مين يكون المدرب .. اللي هو جد يوغي .. مشان هو اكبر بالسن من مدربهم.

موكوبا: بس سيتو دارتس اكبر واحد هون.

ترستان: صحيح .. بس دارتس بيحوِل .. يعني بتوقع انو فريق الصقور كمان رح ينحولو معنا ادا بيشوفو دارتس.

كايبا: يا جماعة انا خطرتلي فكرة .. شو رأيكم نخللي دارتس يقعد عندهم .. واحنا ما نتطلع عليه ابدا .. بس هم بشوفوه .. وهيك همو عيونهم بتنحول لوحدهم ... وهدا الشي بيساعدنا عالفوز.

يامي: والله الفكرة منيحة .. اوكي موافقين .. وبالمرة خليه يجرب عليهم طاقة الاوريكالكس .. ويسيطر على دماغهم بالمباراة.

كايبا: اوكي .. هيك اهترنا المدرب .. هلأ اللاعبين .. اكيد انا الكابتين .. بيضل بدنا اربع.

يامي: انا اكيد بالمباراة .. هيك بدنا ثلاث.

موكوبا: سيتو .. انا بدي اشترك معكم.

كايبا ملامحه بتتحول لكل لطف وهو بيحكي: لأ حبيبي موكوبا .. هاي اللعبة مؤذية .. واحتمال تتعرض للخطر .. وانا ما بدي اياك تتأذى.

ترستان: احكي انو قصير وخلص .. بدل كل هاي المقدمات.

كايبا عصّب على ترستان: انا ما بهمني الطول ابدا .. المهم المهارة باللعب .. بس موكوبا لأ .. انا بخاف عليه .. فهمت؟!!!

يوغي: وانا كمان بدي اشترك.

كايبا وهو لسا معصب جاوبو: لأ انت قصير.
جوي: انا اكيد باللعبة .. بيضل بدنا اثنين.

ترستان: ما ضل حدا غيري .. وهيك بدنا واحد.

كلهم هلأ تطلعو على تيا.

يامي: لحظة قبل ما نقرر اللاعب الخامس .. بدي اجتمع على جنب مع اللاعبين اللي قررناهم.

وعلى جنب..
يامي: شو! انا شايفكم رح تختارو تيا للاعب الخامس.

كايبا: بصراحة فيه فوائد لوجود تيا معنا ... يعني اذا فيه كرة قوية كتير بنخللي تيا تتلقاها ... يعني مانع الصدمات عنا .. واذا بنخسر .. بنتهم تيا انها هي سبب الخسارة .. وهيك ما حدا رح يلومنا.

ترستان: يعني خلص؟!! تيا هي الاعب الخامس؟!! انا كنت حابب سرينيتي.

جوي عصب: اللعبة خطر على سرينيتي .. مشان هيك هيّ للتشجيع مع موكوبا.

بيرجع الفريق وبيقررو انهم شكلو الاعبين الخمسة .. وهلأ اختيار مديرة الفريق ... زالكل بيتفق بدون اعتراض على انها تكون ماي فالنتين.

كايبا: بيضل الشي الاهم هلأ .. اسم الفريق.

ترستان: انا رأيي فريق يوغي اوه .. على اسم مسلسلنا.

جوي: يوغي كله مو بالفريق .. انا برأيي ندور على اسم تاني.

يامي: شو رأيكم بفريق يامي؟!!

كلهم جاوبوه: بتحلم.

يامي: طيب فريق الفرعون؟!!!

كلهم: لااااااااااااااااا.

يامي: فريق أتيم؟!!!

كلهم: انس هادا الاسم مرة تانية.

يامي: فريق قطع الالفية؟!!!

كايبا: وشو رح يكون لقبك؟!! الاحجية؟!!!!! انا برأيي يكون الاسم فريق سيتو كايبا .. او فريق شركة كايبا .. او فريق قرص مبارزة كايبا .. او اي شي فيه كلمة كايبا.

يامي: عنجد انك ماكل بنفسك مقلب.

كايبا: ماشااء الله عنك انت.

يوغي: ليش الاختلاف؟ ليه ما تسمو الفريق .. فريق وحوش المبارزة؟!!

كلهم صفنو .. بعدين ترستان حكى: هادا بالضبط اللي كنت بدي احكيه.

جوي: ليه ما حكيته يا عبقري؟!! او يا كذاب؟!!

ترستان: انا بجد خطر على بالي .. بس كايبا ويامي ما تركولي فرصة.

هيك كل شي تقرر للمباراة .. ولما اجى اللاعبين للدخول .. وصل باكورا.

يامي: هاي باكورا وصل .. وباكورا هو اللاعب الخامس .. لأنو احتمال ننكشف اذا عرفو انو تيا بنت.

ترستان: هيك بنكون حلقنالها شعر راسها عالزيرو عالفاضي.

كايبا: مو مشكلة الشعر .. آخرته رح يطول مرة تانية.

تيا: طيب خلوني لاعب احتياط!

ولما حكت تيا هيك .. دوك دفلن وصل الملعب.

كايبا: خلص تيا ... هاي دوك هو لاعب الاحتياط.

تيا: شو يعني؟!!

كايبا: يعني انتي برّة القصة هلأ.

الجزء الثاني
--------------------------------

اجتمع جد يوغي مع اللاعبين مشان يحددو خطة للعب مع فريق الصقور.

الجد: احنا رح نعتمد خطة الدفاع الضاغط.

جوي صار يحك شعره باستغراب: شو؟!! دفاع شو؟!!

ترستان: الدفاع الساخط يا غبي .. شو هاي اول مرة بتحضر مباراة كرة سلة؟!!

جوي: شو هادا الدفاع الساخط يا ذكي انت؟!!

ترستان: سهلة ... يعني نسخط عليهم واحنا بلعب معهم.

الجد قاطعهم: الدفاع الضاغط مو الساخط.

يامي: رجاءا جدي .. احكي معنا عربي.

ترستان: او ياباني .. مو مشكلة.

الجد: بدكم اياني احكي ياباني .. اوكي .. اريغاتو.

جوي: طيب ...

الجد: اريغاتو.

كايبا: غير هاي الكلمة .. شو عندك؟!!

الجد: اريغاتو.

باكورا: كايبا كان قصده غير اريغاتو .. هاي افهمناها.

الجد: اريغاتو.

يامي: خلص جدي .. الظاهر ماعندك اي شي تاني .... حوّل عربي.

الجد: الحمد لله ريحتوني .. بس بصراحة انا كمان ما بعرف شو معنى الدفاع الضاغط .. مرّة سمعت هيك كلمة .. وبصفتي مدربكم لازم اعطيكم خطة ...

ترستان: شو رائكم نروح ونسألهم شو معنى الدفاع الضاغط لفريق الصقور؟؟ والله مبينين لطيفين وما رح يبخلو علينا بالمعلومات.

كايبا: لأ ما تروح عليهم ... اهم شي انهم يعرفو انا واثقين بنفسنا .. اهم شي الحرب المعنوية اكتر من الاستعداد الجسدي.

الجد: بدي اقوى واحد فيكم لهالمهمة.

الكل صار يحكي انا القوي وانا الاقوى .. بس ما كانو عارفين ليش .. وبعدين حكى الجد: مشان يراقب سعد من الصقور ... بتعرفو .. سعد اذا بيميل على حيط بيهده .. مشان هيك بدنا واحد قوي جدا ومتمكن.

كايبا صار يتطلع حواليه بعدين سأل: وين تيا الصلعة؟!! خليها هيّ تراقب سعد.

باكرا: تيا طلعت من القصة بالجزء الماضي .. شو الظاهر نسيت كايبا؟؟

كايبا: طيب جيبوها .. و الا مين راح يراقب سعد اذن؟!!

ترستان: الظاهر انو اللي رح يراقب سعد منا احنا حيكون .. تيا طلعت بلا عودة .... نيّالها.

جوي اتطلع على يامي وحكالو: يامي! إلك وإلا للذيب؟!!

يامي: لا حبيبي للذيب .. اذا الشغلة فيها سعد ... انا ما بدي اخسر شبابي ... يا حسرة لسا ما اتجوزت.

كايبا: اي شباب انت بتحكي عنو؟!!! عمرك خمس الاف سنة ... اذا انت شاب .. انا شو بطلع؟!!! انا رأيي مع الفريق .. انت اللي بتراقب سعد.

يامي: آه من حكم القوي.

وهمو قاعدين بيتناقشو .. اجاهم اتصال من بيغاسوس .. وحكالهم انو كتير مهتم بفوز فريقنا ... وعرض عليهم انو يعطيهم عين الالفية مشان يحتجزو خيالات فريق الصقور .. وهيك الفريق ما رح يقدر يتحرك ابدا .. وفريقنا بينتصر.

جوي: ما فيه داعي لهيك غلبة .. دارتس بيقدر يحتجز خيالاتهم كمان بورق اللعب.

يامي: بس لاحظ انو بحجرالاوريكالكس .. لازم بالاول نلعب معهم مبارزة وحوش .. وبعدين اذا كنّا موفقين كفاية وفزنا عليهم .. وقتها بس بينحجزو.

جوي: ليش ممكن نخسر؟!! احنا بهاي اللعبة المحترفين.

يامي: ما بتعرف .. ربك بوضع سرّه بأضعف خلقه .. وبتعرفو اذا احنا فعلا خسرنا .. يعني خيالاتنا احنا اللي رح تنحجز .. وبعدين رح ابطل انقذ العالم كالعادة .. بصير فادي هو اللي ينقذ العالم من الشرور .. وانا اذا بيصير هيك رح انجلط .. ما تتخيلو كم بكره انو حدا يستلم شغلتي .. انا لوحدي اللي بنقذ العالم.

كايبا: هلأ اتركونا من قطع الالفية انا ما بآمن بهاي الاشياء ... وخلونا نراجع خطة اللعب .. كمان شوي المباراة رح تبدأ.

الجد: صحيح .. على سيرة فادي .. هادا اخطر لاعب بالملعب .. يعني لو لحالو بيلعب احتمال كتير انو يهزمنا .. لازم نلاقي حل الو.

كايبا: ما تخاف انا هايني راح اتكفّل بموضوعه.

الجد: وين رايح هلأ .. لأ .. ماحدا يأذي حدا .. هاي كرة سلة .. الها قوانين وانظمة .. كايبا ارجع.

كايبا: انت فهمتني غلط .. انا رايح بس اتفاهم معاه .. ورح تشوفو كيف رح ننتهي من مشكلة لعب فادي الخطير.

باكورا: ليش شو ناوي تعمل؟!!

كايبا: هادا سر المهنة وما رح احكيه لحدا.

بعدين كايبا اتوجه لغرفة فريق الصقور مشان يحكي مع فادي .

زء الثالث والأخير
------------------------

كايبا مع فادي...
كايبا: فادي! بدي احكيلك شغلة .. انا بعرف كم انت شاب طموح وحابب تروح على امريكا مشان تحترف .. وانا حابب البيلك هاي الامنية.

فادي: وطبعا هادا الكلام مشان سواد عيوني السود.

كايبا: هو بصراحة مو بالضبط هيك ... الموضوع انو مشان احققك امنيتك .. لازم تأديلي خدمة بالأول.

فادي: وشو هاي الخدمة؟؟

كايبا: الموضوع ببساطة اني بدي اياك اما توصلك الكرة بالملعب تعمل حالك مو داري عنها ... يعني تبدأ تربط ببوطك ... او تحك شعرك او تصفر .. يعني اي حركة مشان تضيع الكرة.

فادي: يعني بدك تشتري ضميري بهاي اللعبة.

كايبا: بالضبط.

فادي رد عالسريع: اوكي ماعندي مانع ... لأني مو كل يوم بتصحلي فرصة العمر متل هيك.

كايبا بيرجع لغرفة فريقهم و بخبر الفريق امو اهتم بفادي ... وبطلب جد يوغي من كايبا انو يراقب جواد لأنهم الاتنين طوال.

الفريق بيستعد انو يغادر الغرفة ويتوجه للملعب بس يوغي صرخ عليهم قبل هيك: وقفو .. نسيتو انكم مو لابسين لباس كرة السلة .. شو كايبا؟!! ناوي تمسح الملعب بعبايتك؟!!!

اللاعبين رجعو .. والمباراه اتأجلت شوي لحد ما تنحل مشكلة لبس فريق وحوش المبارزة.

ترستان: شو برأيكم انسب لون نختاره النا؟!!

كايبا: بصفتي الكابتين .. انا بحكي يكون لون اللبس ابيض واسم الفريق مكتوب عليه باللون الازرق ... يعني متل التنين الابيض ازرق العينين ... بتعرفو .. انا كتير بحب هادا التنين.

جوي: لأ .. انا رأيي انو اللبس يكون لون اسود .. وكتابة اسمنا عليه باللون الاحمر .. يعني كأنا التنين الاسود احمر العينين.

يامي: انا رأيي غير عن آرائكم ... انو يكون اللبس لون نهدي .. واسمنا لون ممممم نهدي كمان .. يعني متل فارس الظلام.

باكورا: شوفو .. فارس الظلام حر شو بيلبس .. بس انا مستحيل البس لون نهدي ... هادا لون بنّاتي.

يامي عصب: شو يعني .. فارس الظلام بنّاتي؟!!!

باكورا: والله متل ما انا شايف ... هو لابس فستان لونه نهدي طويل ... ومغطي على شعره يعني متحجب ... مع انو تارك الغرّة مكشوفة ... كل هاي الصفات ولساتك بتحكي انو مو بنّاتي؟!!!!
يامي: طيب كايبا مرّة لبس عباية نهدية.
كايبا: هداك كان لبس البيت .. وكانت بس حلقة وحدة .. اذا لاحظتو بهديك الحلقة .. ايشيزو اتصلت فيّ ... وحكتلي ادا ما بتيجي بسرعة بسرعة, ما رح اعطيك العملاق المعذب .. وهيك انا رحت عندها وما لحقت اغير اواعي البيت بالمرة .. بس بعد هيك ما طلعت بهداك اللبس ابدا.

ترستان: يعني بدك تحكيلنا انو بيجاماتك المنزلية كلها هي عبارة عن عبايات لونها نهدي؟!!!

كايبا: لأ مو كلها ... بتعرفو كيف انا مليونير ... وبحب الاشياء الكبيرة .. يعني انا بلبس اواعي كتيرة من كتر ما بشتري قماش .. حتى روحو و اسئلو موكوبا.

جوي: يللا هاييني رايح اسئلو.

كايبا ارتعب: وييين ... هلأ عنا مباراة .. ومو مقررين شو نلبس .. بعدين بتسئله ... تعال!

يامي: بس هيك احنا ما اتفقنا شو نلبس.

والا ماي اتدخلت: هاي الشغلة هيّ مهمة مديرة الفريق .. اللي هي انا .. وانا عندي اللبس المناسب الكم .. رح اختارلكم لوني المفضل .. الزهري!

الفريق كلو صرخ: زهري؟!!!!!!!!!

كايبا: مستحيل البس زهري.

ماي: ليش مين حكى انو الشغلة على كيفك كمان ما تخاف .. اللبس مو زهري كامل .. لأنو اسم الفريق رح يكون مكتوب بقلوب حب حمرا .. وفيه كمان قلوب حب منتشرة على الشورت.

الفريق انصرع .. لكن امر ماي مشي ... ولما نزلو عالملعب .. كل الجمهور راح بغيبوبة من الضحك على لبسهم ... وفريق الصقور ما عرف يلعب كمان من الضحك ... وانتهت المباراة بفوز فريقنا بنقطتين مقابل صفر .. والنقطتين سجلهم حسان بسلتهم بالغلط .. لأنو هو كمان كان فارط ضحك وما عرف يميز السلة.

-----------------
النهاية.

اذا اردتم ملابس كيوغي اخبروني

زائر

شكرا جزيلا لك

شكرا لك وهذا الموضوع يستحق التثبيث

شكرا على التثبيت

لا يا مدير لا اضن انكم بهدا

ماذا

الدكاء الغباء امزح

مزحه تقيله

على اللسان خفيفة

اجل

انا شاعر الضمان قلبي وعمري دهبو بالامان

الامان
هههههههههههههههههه اتمزح